Книга - Тундань васень панчфнень идьснонды. Эряфть колга. Пинтишить колга, кона ули эсонза. И, видекс, Вармать колга

Тундань васень панчфнень идьснонды. Эряфть колга. Пинтишить колга, кона ули эсонза. И, видекс, Вармать колга
Дика Кара


Ингольсонт ляпе, мялень салай притча тядянь-алянь кельгомать виенц колга, шачема юрть лямбонц, семьянь питнишить и аф тёждя выборть колга. Тя седи ваксстонь ёжамаряматнень колга, конат содафт эрти. Ёню азкс афкуксонь эряфть и Судьбань вармать колга.





Тундань васень панчфнень идьснонды

Эряфть колга. Пинтишить колга, кона ули эсонза. И, видекс, Вармать колга



Дика Кара



Перевод книги «Детям одуванчиков» (автор Дика Кара) с русского на мокшанский язык



Переводчик Елена Кирдяпина



© Дика Кара, 2021

© Елена Кирдяпина, перевод, 2021



ISBN 978-5-0055-7950-8

Создано в интеллектуальной издательской системе Ridero


Шопотькшнесь.

Шинь псить вастс аф няемга сась илянь эшенясь.

Сембе эрексь тёждяста таргазе ваймонц.

Касыксне и ракшатне анокласть мадомати. Аньцек сембе шири эци мошкарась тусь илянь якамас.

Тя пингть сире тундань васень тюжя панчфсь арьсесь мадомда инголе корхнемс уноконзон-тундань васень тюжя панчфкятнень мархта.

– Кунардонь тундань васень тюжя панчфне азондозь, што фкя инь вятикс питнишись эряфса-тя эстейть тиемс выбор и Вармать эрявикс шири уфамац. Мон жа корхтан тейнть, што тя сембось условна. Вятикс питнишись-тя вакссот касы тядянь-алянь лопанясь!

Тундань васень тюжя панчфкятне дивандазь варжакстсть фкя-фкянь лангс.

– Атяй, а мес тядянь-алянь лопанясь-тя питниши? – кизефтезе тундань васень тюжя панчфкясь.

– Аф вятикс. Сай пингсь- тинць шарьхкодьсасть-мторгодсь атясна. «Н-да, рана нинге, ашесть касов», – арьсесь тундань васень тюжя панчфсь, а вишкста азозе:

– Мадода! Поздна уже.

Атянц валонза ашесть лисенде тундань васень тюжя панчфкять пряста, и сон кодавок ашезь матодовкшне:

– Атяй, азонтк, ну азонтк, мезень колга тон корхтать. Мезе тя сембось? Ну мезе тя тейть арай? Явк мархтон смузюшицень!

– Смузюшизень ли… иль аф смузюшизень… – отвечась содамоёфкс лаца атяц, аф панчсемок сельмонзон.

– Азондсак? – ашезь макссе пря уноксь.

– Ну мезе тият, кулхцонтт, – панжезе кургонц тундань васень тюжя панчфсь и аф кенордазь ушедозе эсь азксонц.

Мазы панда шамаса эрясть тундань васень тюжя панчфне. Тя паронь арьси касыксне ульсть анелькакс ару кожфти и Шить тядянь заботанцты.

Нинге апрельста, аньцек солась васень ловсь, тундань васень тюжя панчфкятне марняса лиссть валдти и тяни эрясть стане, кода аньцек тейст пара. Синь кельксезь ракшатне, нармоттне и эрь ётай-потайсь. Синь венемсть Шиняти, каземок мирти эсь сюролда лаца мзолфснон, и седи вакска кеняртькшнесть эрь шити.

Эрь шобдаваня Шить васень сюролданзон мархта фкя-фкянь мельге сргозькшнесть тундань васень тюжя панчфкятне, нуварготкшнесть и щашендозь эсь тюжя вазьняснон. Шить аделамдонза меле, матодовкшнемок, синь арьсесть сембе касыхненди, шашнихненди, арнихненди, якайхненди и лиендихненди лямбе, сетьме ве и танцти отт.

Тяфта ётнесть шитне фкя-фкянь мельге.

Апрелень кельмонять мельге сась маень лямбось. Тундань васень тюжя панчфкятне арасть эзрай тундань васень тюжя панчфокс: вятсть эзраень корхнемат, тиендсть семьят и арьсекшнесть шаба колга. Ашезь кенере азомс эсь колганза июньскяй псись, кона казсь тундань васень тюжя панчфненди паваз-синь арасть тядякс-алякс, кода сась июльсь и кандсь эсь мархтонза панда шамати июльскяй псидонга пси.





Конец ознакомительного фрагмента. Получить полную версию книги.


Текст предоставлен ООО «ЛитРес».

Прочитайте эту книгу целиком, купив полную легальную версию (https://www.litres.ru/pages/biblio_book/?art=66930721) на ЛитРес.

Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.